QR Prezidenti Qasym-Jomart Toqaev Ulttyq senim keńesiniń múshelerin qabyldady, – dep habarlaidy Aqordanyń baspasóz qyzmeti.
«Baitaq bolashaq» Ekologiialyq aliansy» RQB prezidenti Azamathan Ámirtaevpen kezdesý barysynda elimizdegi ekologiialyq ahýal, halyqtyń ekologiialyq túsinigi men mádenietin arttyrý múmkindikteri sekildi máseleler talqylandy. A.Ámirtaev shaǵyn jáne orta biznesti qoldaýǵa jáne ekologiialyq jobalardy iske asyrý úshin shetel investitsiiasyn tartýǵa qatysty birqatar usynys aitty.
«Qazaqstan barysy» damý qory Qamqorshylyq keńesiniń tóraǵasy Arman Shoraev Prezidentke ishki jáne syrtqy týrizm salasyndaǵy keibir qordalanǵan problemalardy sheshý joldaryn, qazaq kúresin halyqaralyq arenada ulttyq brend retinde qalyptastyrý jaiyndaǵy kózqarasyn jetkizdi.
Qoǵam qairatkeri, saiasattanýshy Aidos Sarymmen kezdesýde Qazaqstandaǵy gýmanitarlyq ǵylymnyń damý perspektivalary, elimizdiń qoǵamdyq-saiasi ómirine onyń áseri, «Rýhani jańǵyrý» baǵdarlamasynyń júzege asyrylýy men ideologiialyq saiasaty siiaqty máseleler qozǵaldy.
Qasym-Jomart Toqaev Ulttyq qoǵamdyq senim keńesiniń alǵashqy otyrysynan keiin Keńes músheleri tarapynan aitylǵan usynystar Prezident Ákimshiligi men Úkimette ótken jiyndarda talqylanyp, pysyqtaý jumystary júrgizilgenin atap ótti.
– Naqty nátijelerge qol jetkizdik. Jýyq arada keibir zańnamalarǵa engiziletin ózgeristerdi pysyqtaý kerek. Sodan keiin Ulttyq keńestiń ekinshi otyrysy shaqyrylady, – dep qorytyndylady Prezident.
