Prezident Qasym-Jomart Toqaev qaýipsizdik boiynsha Miýnhen konferentsiiasyna qatysady, dep habarlaidy "Ult aqparat".
Bul týraly QR Syrtqy ister ministri Muhtar Tileýberdi QR Parlamenti Májilisinde aityp berdi.
«Qazaqstan Prezidenti Qasym-Jomart Toqaevty bul konferentsiiaǵa uiymdastyrýshylar shaqyrdy. Árine, ol shaqyrýdy qabyl alyp, qatysatynyn aitty. Maǵan de jeke shaqyrtý kelip tústi. Men de Prezidentpen birge osy koferentsiiaǵa qatysamyn», - dedi M. Tileýberdi.
Onyń aitýynsha, Miýnhen konferentsiiasy aiasynda Prezident pen ministrdiń ekijaqty kezdesýleri josparlanǵan.
«Ásirese, meni «Mýltirealizm úshin alians» forýmy qyzyqtyryp otyr. Bul – eýropalyq baǵyttaǵy jańa tendentsiia jáne biz osy ózgeristerdi zertteýge, osy alianstyń qyzmetine belsene qatysýǵa niet bildirip otyrmyz», - dedi ministr.
Miýnhen qaýipsizdik konferentsiiasy – 1962 jyldan beri Germaniianyń Miýnhen qalasynda jyl saiyn uiymdastyrylatyn alqaly jiyn. 1993 jylǵa deiin Hristian-áleýmettik odaǵynyń uiymdastyrýymen áskeri máseleler konferentsiiasy dep atalǵan. 1998 jyldan bastap – jiyndy Germaniia úkimeti qarjylandyryp keledi. Biylǵy konferentsiia aqpannyń 14-16 kúnderi aralyǵynda ótedi.
