QR Prezidenti Qasym-Jomart Toqaev «Men qazaqpyn» patriottyq ánin oryndaityn chellendjdi qoldady, - dep habarlaidy «Ult aqparat».
«Óte jaqsy bastama! Qoldaimyn! Bul án halyqtyń rýhyn kóterip, patriotizmdi arttyrý úshin keń aýqymda dáriptelse oryndy bolar edi. Osyndai dúnieler eldi birlikke shaqyrady», - dep jazady Memleket basshysy twitter paraqshasynda.
Eske salsaq, Pavlodar qalasynyń orta mektepteri arasynda elimizdiń Táýelsizdik merekesine orai erekshe chellendj bastaǵan bolatyn.
Áleýmettik jelide jariialanǵanyna táýlik bolmasa da bul videony 10 myńnan astam adam tamashalap, onyń 400-den astamy lúpil basqan. Bólisken adamdardyń qatary 600-ge jýyqtaidy.
Aita ketsek, Qýandyq Raqymnyń «Men qazaqpyn» ánin 2018 jyldyń 7 mamyrynda Qarýly kúshterdiń 3 myń sarbazy jaýyngerlik parad kezinde shyrqaǵan edi shyqqan edi.
Bul týyndynyń sózin aqyn Nurjan Ómirbai, al ánin Jarashan Tólebai esimdi jas kompozitor jazǵan. Án avtory Jarasqan Tólebaidyń aitýynsha, «Men qazaqpyn» áni keiingi býyn ókilderiniń shetel mýzykasyna elikteýi órship bara jatqan ýaqytta, eldiń rýhyn oiatatyn qazaq áni jat eldiń dańǵazasyna toitarys bolsyn degen maqsatta týyndaǵan.
