Foto: Aqorda
Prezidenttiń quttyqtaýyn QR Prezidentiniń keńesshisi — Baspasóz hatshysy Rýslan Jeldibai jetkizdi, dep habarlaidy Ult.kz.
"Byltyr Atyraýda ótken Ulttyq quryltaida Memleket basshysy Ulttyq kitap kúnin belgileý jóninde tapsyrma bergen bolatyn. Soǵan sáikes, biyldan bastap 23 sáýir — Ulttyq kitap kúni bolyp belgilendi. Ataýly kúnge orai Prezident Qasym-Jomart Toqaev qazaqstandyqtardy quttyqtady", — dep jazdy Rýslan Jeldibai.
Memleket basshysy óz quttyqtaýynda Ulttyq kitap kúni — bilimpazdyq, izdenimpazdyq, kitapqumarlyq siiaqty igi qasietterdi dáripteitin kún ekenin atap ótti.
"Biyl alǵash ret atalyp jatqan Ulttyq kitap kúni qutty bolsyn! Bul — bilimpazdyq, izdenimpazdyq, kitapqumarlyq siiaqty igi qasietterdi dáripteitin kún. Kitap oqyǵan urpaq ozyq oily bolady. Sapaly ult osyndai qundylyqtar arqyly qalyptasady", — delingen quttyqtaýda.
Osyǵan deiin Ulttyq kitap kúnine arnalǵan is-sharalar aptalyǵy bastalǵanyn jazǵanbyz.
