Memleket basshysy Qasym-Jomart Toqaev Almaty qalasyna eki kúndik jumys saparymen keldi. Bul týraly QR Prezidentiniń baspasóz hatshysy Berik Ýáli facebook paraqshasynda jazdy.
Prezident búgin «Jańa Almaty» baǵdarlamasynyń tusaýkeserimen tanysyp, «Balalar úiiniń» tábielenýshilerine páter kiltterin tabys etip, Almaty qalasynyń áleýmettik-ekonomikalyq damýyna arnalǵan keńeske qatysady.
Sonymen qatar «Tech Garden» innovatsiialyq klasteriniń jumysymen, Investitsiia úiiniń tynys-tirshiligimen tanysady. Budan bólek ál-Farabi atyndaǵy Qazaq Ulttyq ýniversitetine baryp, onda oqý korpýsy men «Keremet» stýdentterge qyzmet kórsetý ortalyǵynda bolady.
Jumys saparynyń ekinshi kúninde Memleket basshysy Almatydaǵy rezidentsiiasynda birqatar kezdesýler ótkizedi.
