Prezident baspasóz hatshysy Berik Ýálidiń aitýynsha, Memleket basshysy Qasym-Jomart Toqaev 9 kúnde 26 Jarlyqqa qol qoiǵan. Bul týraly ol «Habar 24» telearnasyna bergen suhbatyndai aitty, dep habarlaidy QazAqparat.
«Jańa jyl bastalǵaly 9 kún boldy ǵoi. Osy 9 kúnniń ishinde Prezident jiyny 26 Jarlyqqa qol qoiǵan eken. Onyń 5-ýi taǵaiyndaý týraly. 9 Ókimge qol qoiǵan. Onyń taǵy da 5-ýi taǵaiyndaý týraly. Sonda 10 taǵaiyndaýǵa qol qoiǵan. Sondai-aq 3 qańtar kúni 3 tvit qaldyrdy, 4 qańtar kúni 4 tvit jazyp, halyqpen bailanysyp, tikelei joldap otyrdy», - dedi Berik Ýáli.
Onyń aitýynsha, munyń bári úlken jumys.
«Jalpy munyń bári - úlken jumystar. Onyń syrtynda resmi saitqa shyqqan aqparattardy ǵana aityp otyrmyn. Onyń syrtynda qanshama tiisti organdar esep berip jatyr. Ákimderdiń esebin alyp jatyr. Bylaisha aitqanda, eshqandai ýaqyt joq. Búkil eldegi ahýaldy tamyrshydai dóp basyp, baqylap otyr», - dedi Prezidenttiń baspasóz hatshysy.
