Biyl QR Prezidenti Qasym-Jomart Toqaev 12 elge saparmen bardy. Bul týraly búgin Aqordada ótken brifingte QR Prezidentiniń baspasóz hatshysy Berik Ýáli aitty, dep habarlaidy QazAqparat.
«Halyqaralyq is-sharalar boiynsha Qasym-Jomart Kemeluly 12 elge saparmen bardy. Onyń ishinde Ózbekstan, Qytai, Qyrǵyzstanǵa memlekettik saparmen, Resei men Germaniiaǵa resmi saparmen bardy. Al jumys saparmen Reseige 2 ret jáne AQSh, Qyrǵyzstan, Tájikstan, Túrikmenstan, Armeniiaǵa saparlady», - dedi baspasóz hatshysy.
Onyń dereginshe, Qazaqstan Prezidenti 9 halyqaralyq jiynǵa qatysty.
«Atap aitqanda, AQSh-ta ótken BUU Bas assambleiasynyń sessiiasyna, Bishkektegi ShYU otyrysyna, Dýshanbedegi, AÓISShK-ke, EAEO sammitine, Ashhabattaǵy TMD Memleket basshylary keńesiniń otyrysyna, sondai-aq Sochide «Valdai» halyqaralyq pikirtalas klýbynyń otyrysyna, Ombydaǵy shekaramańy yntymaqtastyq forýmyna, Bishkektegi UQShU sessiiasyna qatysty», - dedi ol.
