Qazaqstan-Túrikmenstan-Iran-Ázerbaijan-Resei memleketteriniń arasyn jalǵaityn sheńberli krýizdik marshrýt kelesi jyly iske qosylýy múmkin.
Bul jaiynda Ortalyq kommýnikatsiialar qyzmetinde ótken brifingide QR Kólik komiteti tóraǵasynyń mindetin atqarýshy Qasym Tilepov málim etti, dep habarlaidy QazAqparat.
«Kaspii aidynynda krýizdik týrizmdi damytý baǵytynda shektesip jatqan 5 memleket óz tarapynan tiisti jumystardy atqaryp, negizgi máselelerdi sheship jatyr. Mysaly, biz jaqtan Aqtaý qalasynyń qalai túrlengenin kórip otyrsyzdar. Jaǵalaý abattandyrylyp, qonaqúiler boi kóterdi. Mańǵystaý oblysynyń, Aqtaý qalasynyń týrizm salasyndaǵy áleýeti zor. Bizdiń endigi kútip otyrǵanymyz – krýiz laineri. Ony Resei tarapy Astrahanda salyp jatyr. «Rýs Velikaia» degen keme bolady. Kelesi salynyp bolady-aý deimin», - dedi komitet ókili.
Sondai-aq, ol atalǵan krýiz laineriniń qandai marshrýtpen qatynaitynyn aitty.
«Sodan keiin osy marshrýt ashylady. Iaǵni, Astrahannan bastap Aqtaýǵa, Aqtaýdan Túrikmenstannyń «Avaza» degen demalys bazasyna, odan ári qarai Irannyń Namirabadyna, Namirabadtan Baý men Mahachkalaǵa qatynaidy. Osylaisha bolashaqta 5 memleketti aralaityn sheńberli týristik marshrýt bolady», - dedi Qasym Tilepov.
