Aqtaýda Kaspii teńizinde bolǵan sirek qubylys áleýmettik jeli qoldanýshylaryn tańǵaldyrdy.
"Qazgidromet" sý quiyny ádette tropikalyq jaqtarda bolatynyn aityp otyr. Klimaty Qazaqstan syndy elderde sirek kezdesedi.
"Mundai quiyn bolýy úshin eki jaǵdai kerek. Teńiz sýy jyly jáne bulttaǵy aýa sýyq bolýy tiis. Temperatýra kúrt ózgergendikten, atmosferanyń joǵarǵy jáne tómengi qabattaryndaǵy qysym ártúrli bolady", – dedi gidromet ortalyqta.
Mamandar quiynnyń ortasynda qysym tómen bolatynyn aityp otyr. Sondyqtan ol sýdy teńiz betine kóterip alady. Jeldiń jyldamdyǵy sekýndyna 30 metrden asýy múmkin.
Qazgidromette quiyndy boljaý ońai emes ekenin jetkizdi. Óitkeni onyń monitoringi stantsiialar jelisiniń vizýaldy baqylaý júiesine negizdeledi. Mundai jolmen tek quiynnyń baǵytyn ǵana anyqtaýǵa bolady.
