Kýágerler Kaspii teńizi jaǵalaýyndaǵy sýdyń túsi ózgerip jatqanyn videoǵa túsirip aldy, - dep habarlaidy Tengrinews.kz agenttigi inAktau.kz saityna silteme jasap.
Basylym málimetinshe, Primorskii turǵyn alabyndaǵy sýdyń túsi ózgerip, las qońyr túske ainalǵan. Video 11 qazanda Instagram jelisindegi @podslushano_aktau-paraqshasynda jariialanǵan.
Tabiǵat qubylysyna Mańǵystaý oblysynyń Ekologiia departamenti pikir bildirdi. Oblystyń bas ekology Rýslan Tókenovtiń aitýynsha, oqiǵa ornyna mamandar jiberilgen. Onyń aitýynsha, sýdyń túsiniń ózgerýine jyl saiynǵy qubylys – qońyr baldyrdyń jaǵaǵa shyǵýy áser etken.
Alaida keiinirek jýrnalist Kirill Pavlovtyń Telegram-arnasynda oqiǵa ornynan taǵy bir video paida boldy, onda Kaspii teńizine sý tógetin arnadan qońyr sý quiylyp jatqany kórsetilgen.
Rýslan Tókenov 11 qazanda ekologtar "MAEK-Qazatomónerkásip" JShS kanalynan sý aǵyp jatqanyn anyqtaǵanyn aityp, jaýap berdi.
"Sý synamalaryn aldyq, búgin synaqtar jasaimyz jáne nátijesi boiynsha tiisti sharalardy qabyldaimyz", - dep qysqasha túsindirdi ol.
Oblystyq Ekologiia departamentiniń basshysy basqarma mamandary tekserý qorytyndysyn alǵannan keiin videoǵa qatysty qosymsha túsinikteme berýge ýáde berdi.
