Kaspi.kz Qazaqstan Respýblikasynyń Eńbek jáne halyqty áleýmettik qorǵaý ministrligimen birlesip jańa tsifrlyq servisti iske qosty.
Endi bolashaq analar júktilikke jáne bosanýǵa bailanysty tólemderge ótinimdi Kaspi.kz mobildi qosymshasyndaǵy «Memlekettik qyzmetter» servisi arqyly berip, tólemderdi ala alady.
Buǵan deiin bul úshin HQKO-ǵa baryp, qujattardy tapsyryp, kezek kútý qajet bolatyn. Endi ótinimdi smartfon arqyly Kaspi.kz sýperqosymshasynda ońai ári jyldam berýge bolady.
Mihail Lomtadze, Kaspi.kz basshysy ári negizin qalaýshylardyń biri:
«Biz súiikti klientterimizdiń ómirin jaqsartatyn servister jasaǵandy jaqsy kóremiz. Ásirese otbasylarǵa ómirindegi eń mańyzdy sátterde kómektesetin osyndai servistermen jumys isteý biz úshin erekshe qýanysh.
Kaspi.kz arqyly qazirdiń ózinde balanyń týý týraly kýáligin rásimdeýge, bala týýyna bailanysty járdemaqy, bala 1,5 jasqa tolǵanǵa deiin onyń kútimine bailanysty tólemder, sondai-aq kópbalaly otbasylarǵa arnalǵan járdemaqylardy alýǵa bolady. Endi bolashaq analar júktilikke jáne bosanýǵa bailanysty tólemderdi de rásimdei alady.
Qazaqstandyqtar úshin memlekettik qyzmetterdi birlesip odan ári jeńil ári qoljetimdi etýge múmkindik bergen memlekettik organdarǵa alǵys aitamyz. Sondai-aq bizge senim bildirip, kún saiyn Kaspi.kz-ti tańdaityn súiikti klientterimizge raqmet!»
Bahtiiar Jazyqpaev, QR Eńbek jáne halyqty áleýmettik qorǵaý vitse-ministri:
«Memleket kómektiń yńǵaily ári qoljetimdi bolýy úshin barlyq qajetti sharalardy qabyldap keledi. Bizdiń strategiialyq maqsatymyz – azamattardy qaǵazbastylyqtan jáne memlekettik organdarǵa barý qajettiliginen barynsha aryltý. Ásirese júkti áielder men analar týraly sóz bolǵanda bul asa mańyzdy.
Eń suranysqa ie qyzmetterdiń birin kún saiyn milliondaǵan qazaqstandyq paidalanatyn platformaǵa kóshirý – tsifrlandyrýdyń memlekettik qoldaýdy árbir adamǵa jaqyndatyp, ony qarapaiym ári ýaqtyly etetininiń aiqyn mysaly».
Júktilikke jáne bosanýǵa bailanysty tólemderge onlain ótinim berý tártibi týraly tolyǵyraq Kaspi.kz sýperqosymshasyndaǵy
«Gid» servisinen bilýge bolady.
Kaspi.kz týraly
Kaspi.kz missiiasy – súiikti klientteri men seriktesteriniń ómirin jaqsartatyn innovatsiialyq ónimder men servister jasaý.
Kaspi.kz servisterin Qazaqstan men Túrkiiada 26 millionnan astam klient jáne 1 millionǵa jýyq seriktes paidalanady. Qazaqstanda Kaspi.kz sýperqosymshasy tólemder, elektrondyq kommertsiia, onlain-sýpermarket, finteh, saiahat, habarlandyrýlar, memlekettik qyzmetter jáne basqa da kúndelikti servisterdi biriktiredi. Túrkiiada Kaspi.kz eldegi jetekshi elektrondyq kommertsiia platformalarynyń biri – Hepsiburada-ǵa ielik etedi.
Kaspi.kz arqyly qazirdiń ózinde balanyń týý týraly kýáligin rásimdeýge, bala kútimine jáne kópbalaly otbasylarǵa arnalǵan járdemaqylardy alýǵa bolady. Endi bolashaq analar júktilikke jáne bosanýǵa bailanysty tólemderdi de rásimdei alady.
