Mańǵystaý oblysynda Kaspii teńizi jaǵalaýynda joǵalǵan Azamat Dúisehandy izdeý jumystary jalǵasyp jatyr, dep habarlaidy ult.kz.
Lada basylymynyń málimetinshe, bozbala 7 shilde kúni týǵan kúnin dostarymen birge Aqtaý qalasynan shamamen 48 shaqyrym jerde ornalasqan O’Mir qonaqúii mańynda atap ótken.
Qazir izdeý jumystaryna tótenshe jaǵdailar departamentiniń qyzmetkerleri jáne jigittiń týystary men dostary qatysyp jatyr.
Alaida týystary qolda bar tehnika izdeý jumystaryn júrgizýge jetkiliksiz ekenin aityp otyr.
Otbasy barlyq beijai qaramaityn azamattardan izdeý jumystaryna kómektesýdi surady.
