Aqtóbede kámeletke tolmaǵan qyzǵa zorlyq kórsetti degen aiyppen kúdikti ustaldy, dep habarlaidy "Ult aqparat".
Búgin saǵat 10:15 shamasynda Aqtóbe qalalyq politsiia basqarmasy Jedel basqarý ortalyǵynyń 102 telefonyna habarlama tústi. Onda aǵaiyndy Jubanovtar kóshesindegi páterlerdiń birinde kámeletke tolmaǵan qyzdy belgisiz bireýdiń zorlaǵany týraly aitylǵan.
«Oqiǵa ornyna politsiianyń barlyq jasaǵy, jedel-tergeý toby jiberildi. Politsiia jasaqtary belgisiz adamnyń páterge baryp, esikti qaqqanyn, úide jalǵyz bolǵan qyzdyń esikti ashqanyn anyqtady. Páterge kirgen kúdikti kámeletke tolmaǵan qyzǵa jynystyq qylmys jasaǵan. Keiin qashyp ketken. Politsiianyń barlyq qyzmetiniń qajyrly jáne úilesimdi jumysynyń nátijesinde jedel sharalar keshenin ótkizip, kúdiktini anyqtap, «izin sýytpai» ustaldy. QR QK 120-baby 4-bóligi boiynsha sotqa deiingi tergeý bastaldy. Qylmystyq is politsiia departamenti bastyǵynyń baqylaýynda. Ishki ister organdary balalardy baqylaýdy qamtamasyz etý, qaýipsizdik erejelerin túsindirý qajet ekenin eske salady. Ásirese beitanys adamdarmen sóilesýge bolmaitynyn únemi aityp otyrý kerek», - dep habarlady oblystyq PD baspasóz qyzmeti.
