Almaty oblysynyń Qarasai aýdany Qaskeleń qalasynda bes qabatty úidiń páteri órtenip, bir adam kóz jumdy, dep habarlaidy "Ult aqparat".
«40 páterli, 5 qabatty turǵyn úidiń 5-qabatynda bir bólmeli páterde órt shyqqany anyqtaldy. Jihaz, úi zattary janyp ketti. Almaty oblysy TJD qyzmetkerleri 20 adamdy evakýatsiialady. 4 adam qutqaryldy. 50 adam óz betterimen shyqqan. Páter iesi shuǵyl Qaskeleń qalasyndaǵy aýrýhananyń jansaqtaý bólimshesine jetkizildi. Ókinishke orai, esin jimastan sol jerde qaitys boldy. Órttiń shyǵý sebebi anyqtalýda, oqiǵa ornynda órt sóndirý zerthanasy jumys isteýde», - delingen Almaty oblystyq TJD baspasóz qyzmetiniń habarlamasynda.
