QR Bilim jáne ǵylam ministri Ashat Aimaǵambetov qashyqtan oqytý keibir balalarǵa jaqsy áser etkenin aitty, – dep habarlaidy "Ult aqparat".
«Ár aptanyń senbisinde onlain rejimde muǵalimdermen pikir almasamyn. Biz saladaǵy máselelerdi talqylaimyz. Osy oraida ustazdar balalardyń oqý úlgerimine qatysty málimetterdi aitady. Olardyń sózinshe, osyǵan deiin jaqsy oqyǵan balalardyń sabaq úlgerimi nasharlamady. Olar burynǵysynsha jaqsy yntamen sabaqtaryn jalǵastyrǵan, iaǵni bilim sapasyn joǵaltpaǵan», - dedi A.Aimaǵambetov onlain baspasóz máslihatynda.
Sonymen qatar, ol qashyqtan oqytý keibir balalarǵa ońtaily áser etkenin aitty.
«Dástúrli formatta oqyǵan kezde tuiyqtaý bala retinde kóringenderde ózgerister bolǵan. Áriptesterdiń habarlaýynsha, bul balalar ashylyp, ózderin jańa qyrynan kórsetken. Olar ózderiniń oilaryn, tujyrymyn ashyq aita bastaǵan», - dedi ministr.
Sóz sońynda ol ministrlik úshin burynǵydai dástúrli kúndizgi oqytý qolaily ekenin atap ótti.
