قر بٸلٸم جەنە عىلام مينيسترٸ اسحات ايماعامبەتوۆ قاشىقتان وقىتۋ كەيبٸر بالالارعا جاقسى ەسەر ەتكەنٸن ايتتى, – دەپ حابارلايدى "ۇلت اقپارات".
«ەر اپتانىڭ سەنبٸسٸندە ونلاين رەجيمدە مۇعالٸمدەرمەن پٸكٸر الماسامىن. بٸز سالاداعى مەسەلەلەردٸ تالقىلايمىز. وسى ورايدا ۇستازدار بالالاردىڭ وقۋ ٷلگەرٸمٸنە قاتىستى مەلٸمەتتەردٸ ايتادى. ولاردىڭ سٶزٸنشە, وسىعان دەيٸن جاقسى وقىعان بالالاردىڭ ساباق ٷلگەرٸمٸ ناشارلامادى. ولار بۇرىنعىسىنشا جاقسى ىنتامەن ساباقتارىن جالعاستىرعان, ياعني بٸلٸم ساپاسىن جوعالتپاعان», - دەدٸ ا.ايماعامبەتوۆ ونلاين باسپاسٶز مەسليحاتىندا.
سونىمەن قاتار, ول قاشىقتان وقىتۋ كەيبٸر بالالارعا وڭتايلى ەسەر ەتكەنٸن ايتتى.
«دەستٷرلٸ فورماتتا وقىعان كەزدە تۇيىقتاۋ بالا رەتٸندە كٶرٸنگەندەردە ٶزگەرٸستەر بولعان. ەرٸپتەستەردٸڭ حابارلاۋىنشا, بۇل بالالار اشىلىپ, ٶزدەرٸن جاڭا قىرىنان كٶرسەتكەن. ولار ٶزدەرٸنٸڭ ويلارىن, تۇجىرىمىن اشىق ايتا باستاعان», - دەدٸ مينيستر.
سٶز سوڭىندا ول مينيسترلٸك ٷشٸن بۇرىنعىداي دەستٷرلٸ كٷندٸزگٸ وقىتۋ قولايلى ەكەنٸن اتاپ ٶتتٸ.
