Memlekettik aýdit ókilderi Soltústik Qazaqstan oblysynyń Aiyrtaý aýdanynda qashyqtan bilim berý úshin satyp alynǵan 177 noýtbýkty tappai qaldy. Bul týraly QR Qarjy ministrliginen málim etti, dep habarlaidy "Ult aqparat".
Málim etilgendei, ministrliktiń Soltústik Qazaqstan oblysy boiynsha Ishki memlekettik aýdit departamenti 6 obektide júrgizilgen aýditti aiaqtady.
«Aiyrtaý aýdany ákimdiginiń bilim bóliminde aýdandyq mektep oqýshylaryn qashyqtan oqytýǵa respýblikalyq biýdjet esebinen jalpy somasy 28 mln teńgege satyp alynǵan 177 noýtbýktyń jetispeitini anyqtaldy. Tapshylyqtyń sebebi – negizgi quraldardyń saqtalýy men durys paidalanylýyn nashar baqylaý. Aýdit materialdary quqyq qorǵaý organdaryna berildi», - dedi vedomstvodan.
Jalpy, 6 nysanda júrgizilgen aýditorlyq is-sharalar barysynda 80 268,7 million teńge somasyn quraityn buzýshylyqtar anyqtaldy. Onyń ishinde qarjylyq buzýshylyqtar – 39 119,6 million teńge, protsessýaldyq buzýshylyqtar – 41 149,1 million teńge.
«4 obektide býhgalterlik esep pen qarjylyq eseptilik jalpy zańnama talaptaryna sáikes keledi. Al 2 obektide eleýli buzýshylyqtarmen júrgizilip kelgen.
Qarjylyq eseptiliktiń aýditi qarjylyq eseptiliktiń senimdiligin, durystyǵyn, býhgalterlik esep pen qarjylyq jaǵdaiyn baǵalaý maqsatynda júrgizildi», - dedi ministrlikten.
