QR Qarjy ministrliginiń alqa májilisinde vedomstvo basshysy Erulan Jamaýbaev salany ary qarai tsifrlandyrý jospary týraly aitty, dep habarlaidy QazAqparat.
Onyń aitýynsha, Biriktirilgen málimetter bazasy men salyqtyq ákimshilendirý júiesin jańǵyrtý júrgiziledi.
«Bul óz kezeginde biryńǵai málimetter bazasynda memlekettik organdardan ózekti derekterdi alýdy avtomattandyrýǵa jáne memlekettik qyzmetti kórsetý sapasyn arttyrýǵa múmkindik beredi», - dedi ministr.
E. Jamaýbaevtyń sózine qaraǵanda, QQS-ti ákimshilendirýde blokchein tehnologiiasyn engizý josparlanyp otyr. Osy oraida bul qadam salyq tóleýden jaltarý táýekelin tómendetedi dep eskerilgen.
«EYDU elderimen málimetter almasý turǵysynda ekonomikanyń ofshorlanýyna qarsy qadamdar boiynsha jumystar jandanady. Biyl 102 iýrisdiktsiiada ashylǵan bizdiń rezidentterdiń shottary týraly alǵashqy aqparatty alý josparlanyp otyr», - dedi ministr.
