Fotokollaj: ©Tengrinews.kz
Qarjy ministrligi Memlekettik qyzmetkerlerdi qysqartý, sondai-aq biýdjet shyǵyndaryn ońtailandyrý arqyly qansha aqsha únemdei alǵanyn aitty, - dep habarlaidy Tengrinews.kz saity.
Jýrnalister ministr Erulan Jamaýbaevtan Qarjy ministrliginde qansha memlekettik qyzmetshi qysqartylǵanyn surady.
"Men 2019 jyly jaýapty hatshy bolyp kelgende, Qarjy ministrliginiń qyzmetker sany shamamen 19 800 adam boldy. Qazir shamamen 15 myń. Aiyrmashylyqty kórip tursyz ba? Aitarlyqtai ońtailandyrdyq, qysqarttyq. Biz árqashan flagman bolýymyz kerek, sondyqtan biz jyl saiyn shyǵyndy ońtailandyramyz. Jalpy memlekettik qyzmetkerler sanyna keletin bolsaq, bul maǵan bailanysty emes. Naqty kórsetkish esimde joq, biraq eger bes jyldyq kezeńdi alsaq, onda mańyzdy ońtailandyrý boldy dep oilaimyn", - dedi sheneýnik.
Jamaýbaevtyń aitýynsha, alǵashqy jyldary ǵana ministrlik shamamen 50 milliard teńge únemdegen.
"Byltyr úsh jańa oblys paida bolǵandyqtan, Qazaqstan halqynyń sany da ósip jatyr. Biz munda, bir jaǵynan, ońtailandyrýdy jaqtaimyz, ekinshi jaǵynan, olardyń mazmunyna qajettilik bar. Bul máselede tepe-teńdikti saqtaimyz. Tek biyl ǵana biz 380 milliard teńge somasyna biýdjet shyǵystaryn ońtailandyrdyq. Bul - imidj, avtokólik satyp alý, ǵimarattardy kútip ustaý sekildi qajetsiz shyǵyndar", - dedi ol.
Jýrnalister Ulttyq ekonomika ministri Álibek Qýantyrovqa da osyndai suraq qoidy. Onyń aitýynsha, ministrlik memlekettik qyzmetshilerdiń shamamen 15 paiyzyn qysqartty. Alaida sheneýnik únemdelgen qarajat somasyn ataýdan bas tartty.
