2019 jyldyń 19 qyrkúieginen bastap qazaqstandyq salyq tóleýshilerge múlik jáne jer salyǵy týraly SMS habarlamalar jiberiledi. Bul týraly QR Qarjy ministrligi memlekettik kirister komitetiniń baspasóz qyzmeti habarlady.
Vedomstvonyń málimetine sáikes, jiberilgen SMS-habarlamada 2018 jylǵa eseptelgen salyqtar jáne 2019 jyldyń 16 qyrkúiegindegi jaǵdai boiynsha jeke tulǵalardyń shottarynda qalyptasqan bereshek pen artyq tólemder kórsetiledi.
SMS habarlamalar taratý qyzmeti jeke tulǵalardy salyq mindettemeleri týraly ýaqytyly habardar etý maqsatynda iske qosylyp otyr.
"Taiaý ýaqytta Qazaqstan azamattary uialy telefondary arqyly tóleýge tiis salyq somasy týraly SMS-habarlama alady. SMS-habarlamanyń artyqshylyǵy – jeke tulǵalarǵa salyq mindettemeleri týraly habarlamalardyń jedel jetkizilýine 100% kepildik beredi", - delingen memlekettik kirister komitetiniń baspasóz qyzmeti taratqan habarlamada.
Mundai habarlamalar "Kaspi Bank" AQ-nyń mobildi qosymshasyna da jiberiledi.
Qazaqstandyqtar kez kelgen yńǵaily jolmen salyq tólei alady. Iaǵni olardyń ekinshi deńgeili bank bólimshelerinde nemese tólem terminaldarynda qolma-qol aqshamen, bankomattar men tólem terminaldarynda banktik kartalardy qoldana otyryp www.kgd.gov.kz saityndaǵy elektrondy qyzmetterdi paidalanýǵa múmkindigi bar.
Anyqtama úshin jeke tulǵalar biryńǵai bailanys ortalyǵynyń 1414 telefonyna habarlasa alady.
