QR Qarjy ministrligi Memlekettik kirister komiteti kedendik ákimshilendirýdi tsifrlandyrý jáne jańǵyrtý aiasynda «Elektrondyq deklaratsiialaý ortalyǵy» pilottyq jobasyn iske qosty, dep habarlaidy "Ult aqparat".
Jobanyń maqsaty - taýarlardy ishki tutyný úshin rásimdeý kezinde Komitettiń qurylymdyq bólimshesi deńgeiinde kedendik ózge de qujattardy jáne málimetterdi tekserý nysanynda kedendik baqylaýdy barynsha ortalyqtandyrý arqyly kedendik ákimshilendirý deńgeiin kóterý.
Ilki jobada kedendik qundy anyqtaýyna, taýarlardy jikteýdiń durystyǵyna, sondai-aq jasalǵan jeńildikterdiń zańdylyǵyna qujattyq baqylaý júzege asyrylady. Bul rette tekserý úshin, qajetti qujattar men málimetterdi syrtqy ekonomikalyq qyzmetke qatysýshylar ASTANA-1 aqparattyq júiesi arqyly usynady.
Birinshi kezeńde Aqmola, Atyraý, Qostanai jáne Soltústik Qazaqstan oblystary boiynsha Memlekettik kirister departamentteriniń keden beketteri jobaǵa qosyldy. Aldaǵy ýaqytta basqa aýmaqtyq memlekettik kirister organdaryn birtindep qosý josparlanýda.
Elektrondy deklaratsiialaý ortalyǵynda rásimdeýdiń artyqshylyqtary:
- taýarlardyń kedendik qunyn baqylaý protsesin Komitet deńgeiinde ortalyqtandyrý, bul baǵa saiasatymen qabyldanatyn sheshimderdiń birkelkiligine ákeledi;
- tekserýshi ýákiletti laýazymdy tulǵa men deklaranttyń bailanysyn joiý, óitkeni barlyq ózara is-qimyl aqparattyq júie arqyly tek elektrondyq nysanda júrgiziledi;
- syrtqy saýda júkteriniń logistikasyna arnalǵan shyǵyndardy ońtailandyrý, sebebi taýardy deklaratsiialaý úshin deklaranttyń ornalasqan jeri mańyzdy emes, bul rette taýarlar kez kelgen shekara mańyndaǵy terminaldarda ornalastyrylýy múmkin.
