Parlament palatalarynyń birlesken otyrysynda Qarjy ministri Erulan Jamaýbaev memlekettik qaryzǵa qatysty Esep komitetiniń eskertýine pikir bildirdi, dep habarlaidy "Ult aqparat".
«Esep komiteti memlekettik boryshtyń ósýine nazar aýdaryp, onyń jalpy ishki ónimge qatynasy 29,4 paiyzǵa jetkenin jáne jańa Biýdjet saiasaty tujyrymdamasynda belgilengen 27% bolatyn shekteýden asqanyn atap ótti. Rasynda, Tujyrymdamada kórsetilgen 27% Úkimettiń ózi belgilegen indikativtik kórsetkish, al tujyrymdamanyń ózi qazir ózekti emes. Sondyqtan makroekonomikalyq jaǵdaidy jáne ekonomika damýynyń basqa da parametrlerin eskere otyryp, jańa qujat ázirlenip jatyr», - dedi Jamaýbaev Úkimet pen Esep komitetiniń 2020 jylǵa arnalǵan respýblikalyq biýdjettiń atqarylýy týraly esepterin qaraý kezinde.
Onyń aitýynsha, memlekettik qaryzdyń jalpy ishki ónimge araqatynasy Eýraziialyq ekonomikalyq odaq týraly shartta jáne Qazaqstan Respýblikasynyń 2025 jylǵa deiingi ulttyq damý josparynda belgilengen limitten aspaidy.
«Barlyq boryshtyq indikatorlar oryndalýda jáne qaýipsiz deńgeide saqtalýda», - dedi ministr.
