QR Qarýly Kúshterinde eńbek etetin 12 myńnan astam adam koronovirýsqa qarsy ekpe saldyrdy. Bul týraly Qorǵanys ministrliginen málim etti, der habarlaidy "Ult aqparat".
Búgin Qorǵanys ministrliginde ótken apparat keńesinde el áskeriniń tynys-tirshiligine qatysty ózekti máseleler qaraldy.
Keńeste, «Qalqan-2021» jedel-taktikalyq oqý-jattyǵýynyń qorytyndylary baiandalyp, onda Qarýly Kúshterdiń, Shekara qyzmetiniń jáne Ulttyq ulannyń memlekettik shekarany kúsheitý jónindegi birlesken praktikalyq is-qimyldary alǵash ret pysyqtalǵan bolatyn.
Qorǵanys ministri Nurlan Ermekbaev bul rette, oqý-jattyǵý nátijelerin taldaý negizinde áskerlerdi jaýyngerlik jáne jedel daiarlaý úrdisine manevrler barysynda tiimdilik kórsetken tájiribeni engizýge nusqaý berdi.
Qysqy oqý kezeńiniń aiaqtalýyna bailanysty poligondar men oqý alańdaryn oq-dáriler qaldyqtarynan tazartý bas qolbasshylarǵa, qolbasshylarǵa tapsyryldy. Budan ózge, qarý-jaraq pen áskeri tehnikany jazǵy paidalaný rejimine aýystyrýdy ýaqtyly oryndaý qajettigi jáne bul is-sharalar jazǵy oqý kezeńine qarai aiaqtalýy tiistigi aityldy.
Áskerge shaqyrý naýqanyn jalǵastyrý barysynda sondai-aq, barlyq sanitarlyq-epidemiologiialyq sharalardyń saqtalýyna nazar aýdaryldy. Bul sharalar áskerge baratyndardy irikteitin jergilikti áskeri basqarý organdaryna da, jas sarbazdar kelgen soń karantindik is-sharalar júzege asyrylýy tiis áskeri bólimderge de qatysty.
Sondai-aq Bas áskeri meditsinalyq basqarmanyń bastyǵy jeke quramǵa júrgizilgen ekpe jóninde jetkizdi. 19 sáýirdegi jaǵdai boiynsha 12 myńnan astam áskeri qyzmetshi men Qarýly Kúshterdiń azamattyq personal ókilderi koronavirýsqa qarsy ekpe saldyrdy.
