Atyraý qalasynda «Qazposhta» AQ bólimshesine qaraqshylyq shabýyl jasaǵan kúdikti ustaldy. Bul týraly búgin brifing barysynda QR IIM resmi ókili Almas Sadýbaev málim etti, dep habarlaidy QazAqparat tilshisi.
«Atyraý qalasynda oblystyq IID kriminaldyq politsiia qyzmetkerleri «Qazposhta» AQ bólimshesine qaraqshylyq shabýyl jasaǵan kúdiktini ustady. Betperde kigen shabýyldaýshy ǵimaratqa erkin kirgen. Kassirdi tapanshamen qorqytý arqyly shamamen 1 mln teńgeni alyp, belgisiz baǵytqa iz sýytqan», - dedi Almas Sadýbaev.
Resmi ókildiń aitýynsha, politsiia qyzmetkerleriniń jedel qabyldaǵan sharalarynyń nátijesinde qylmysqa kúdikti anyqtalyp, qolǵa túsken.
«Ol jergilikti turǵyn bolyp shyqty jáne óz kinásin moiyndady. Urlanǵan aqshanyń bir bóligi tárkilendi. QR Qylmystyq kodeksiniń 192-baby 2-bóligi boiynsha sotqa deiingi tergeý amaldary júrgizilip jatyr», - dedi ol.
