QR Prezidentiniń keńesshisi Erlan Qarin Ulttyq keńestiń qazirgi jumysy týraly facebook paraqshasynda jazdy, dep habarlaidy QazAqparat.
«Buǵan deiin habarlaǵanymyzdai, ótken aptada memlekettik organdar beibit jiyndar, saiasi partiialar men sailaý týraly zań jobalarynyń tujyrymyn halyqpen talqylaý úshin normativti-quqyqtyq aktilerdiń ashyq internet-portaldarynda jariialaǵan bolatyn. 10 aqpan kúni zań jobalary Ádilet ministrliginiń janyndaǵy Qoǵamdyq keńeste, sonymen qatar Aqparat jáne qoǵamdyq damý ministrliginiń janyndaǵy Qoǵamdyq keńeste sarapshylardyń jáne Ulttyq keńes músheleriniń qatysýymen talqylandy. Parlamenttik oppozitsiia týraly jáne QR Qylmystyq kodekstiń 130 jáne 174-baptaryna norma engizýge qatysty bastamalardy júzege asyrý isi jumys tártibinde qaralýda», - deidi Erlan Qarin.
Onyń jazýynsha, Ulttyq keńestiń kezekti úshinshi otyrysyn ótkizý merzimi men otyrystyń kún tártibin belgileý máselesi pysyqtalyp jatyr.
Eske sala ketsek, osydan birneshe kún buryn Qazaqstan Prezidentiniń keńesshisi prezidenttik bastamalardy júzege asyrýdyń jańa kezeńi bastalǵaly jatqanyn habarlaǵan bolatyn.
