QR Prezidentiniń keńesshisi Erlan Qarin Ulttyq qoǵamdyq senim keńesiniń 1-otyrysynan keiin atqarylǵan jumystar jaiynda esep berdi, dep habarlaidy QazAqparat.
«Ulttyq qoǵamdyq senim keńesiniń birinshi otyrysynan keiingi úsh aidyń ishinde aýqymdy jumys júrgizildi. Eń aldymen Ulttyq qoǵamdyq senim keńesiniń músheleri aitqan barlyq usynystar jinaqtalyp, birtutas josparǵa engizildi. Bul josparǵa 70-den astam tarmaq qarastyrylǵan. Osy ýaqyt aralyǵynda berilgen baǵyttar boiynsha belsendi jumys atqaryldy. Atap aitqanda negizgi jumys úsh baǵytta uiymdastyryldy», - dedi Erlan Qarin Ulttyq qoǵamdyq senim keńesiniń 1-otyrysynda.
Onyń atap ótýinshe, Birinshiden, Prezident Ákimshiliginiń basshysy, Prezident Ákimshiligi basshysynyń orynbasary deńgeiinde jáne Premer-Ministrdiń orynbasary deńgeiinde jumys jinalystary ótkizildi. Ol jinalystarǵa Ulttyq keńes músheleri, múddeli memlekettik organdardyń músheleri qatysyp, saiasi-ekonomikalyq jáne áleýmettik-mádeni salalarda usynylǵan reformalar aiasyndaǵy jekelegen suraqtardy qarady. Berilgen merzim sheginde joǵary deńgeide Aqorda men Úkimet úiinde 18 jumys jinalysy men túrli talqylaýlar uiymdastyryldy.
«Ekinshiden, Ulttyq keńes músheleriniń usynystaryn iske asyrýdyń naqty tetikteri múddeli memlekettik organdardyń birinshi basshylary deńgeiinde talqylandy. Atap aitqanda, Mádeniet jáne sport, Ishki ister, Aqparat jáne qoǵamdyq damý, Aýyl sharýashylyǵy ministrlikteri jáne Bas prokýratýrada. Úshinshiden, Memleket basshysy ulttyq keńes múshelerimen jeke kezdesýlerdi de ótkizdi. Búgingi kúnge deiin osyndai kezdesýlerdiń 16-sy ótti. Bul kezdesýler ary qarai da josparlanǵan. Prezidentpen kezdesý kezinde ulttyq keńes músheleri tarapynan kóterilgen máseleler men usynystar atqarýshy organdar deńgeiinde qaralyp, olarmen keri bailans qamtamasyz etildi. Josparǵa kirgen ár tarmaq Prezident Ákimshiligimen, memlekettik organdardyń ókilderimen zańdyq, ekonimkalyq jáne halyqaralyq standarttarǵa sáikestigi turǵysynan saraptalyp, naqty tujyrymdar daiyndaldy. Aitylǵan baǵyttar odan ary jalǵasady jáne Ulttyq keńestiń qyzmetin úilestirý jumysy hatshylyq tarapynan qamtamasyz etiledi», - dedi Erlan Qarin.
