QR Memlekettik hatshysy Erlan Qarin elde turaqtylyq ornatý úshin Qazaqstan halqynyń birligi qai turǵyda qajet ekenin aitty, dep habarlaidy "QazAqparat" HAA.
«Bilesiz be, men bul kúnderi ártúrli jaittardy kórdim. Men túni boiy qorǵanysta turýǵa daiyn politsiia qyzmetkerlerin kórdim. Men kóptegen habarlamalardy kórdim, ókinishke qarai, bárine jaýap bere almadym. Dostarymnan, áriptesterimnen, beitanys adamdardan nemese direct-ke «qandai kómek bere alamyz» degen mándegi kóptegen habarlamalar kelip jatty», - dedi Erlan Qarin «Habar 24» telearnasyna bergen suhbatynda.
Memlekettik hatshynyń pikirinshe, qazir halyqtyń bir-birine degen eń úlken kómegi yntymaqty saqtaýy bolmaq.
«Eń bastysy, yntymaq ár isimizden kórinis taba alady. Bul bizdiń kóshede, politsiia organdarynda, qoǵamdyq tártipti saqtaýda qosqan kómegimizden kórinýi múmkin. Bizdiń kómegimiz elimizge aqparattyq shabýyldy boldyrmaý bolýy múmkin. Bizdiń kómegimiz jalǵan aqparatty bólispegende, ózdigimizden jalǵan aqparattyń jolyn kesken kezde, áli de tolassyz tarap jatqan jalǵan aqparatttardyń bárin súzgiden ótkizsek, sol da kómek bolýy múmkin. Keibir máseleler boiynsha ártúrli ideologiialyq ustanymdarda bolyp kórinetin adamdardan da habarlamalar kelip jatty. «Dál qazir biz birgemiz, qandai kómek bere alamyz» dep suraǵan kezde azamattar shynaiy judyryqsha jumylǵan sát boldy dep oilaimyn», - dedi Erlan Qarin.
