QR Energetika ministri Maǵzum Myrzaǵaliev ortalyq kommýnikatsiialar qyzmetinde ótken brifingide Qarashyǵanaq ken ornynda munai óndirisiniń kólemin saqtaityn jobalar týraly málimet berdi, dep habarlaidy QazAqparat.
«Qashaǵan ken ornynda munai óndirý kólemi aǵymdaǵy jyldyń qorytyndysy boiynsha 15,9 mln tonna, gaz óndirý kólemi – 9,7 mlrd tekshe metr deńgeiinde bolady kútilýde.
Ken ornynda josparly kórsetkishterge qol jetkizý gaz óńdeý zaýyttaryn salý esebinen qamtamasyz etiledi. Bul zaýyttar jylyna qosymsha 3 mlrd tekshe metr taýarlyq gaz óndirýge jáne munai óndirisin jylyna 16 mln tonnadan 20 mln tonnaǵa deiin ulǵaitýǵa múmkindik beredi», - dedi Maǵzum Myrzaǵaliev.
Onyń aitýynsha, Qarashyǵanaq ken ornynda óndiris kólemin azaitpai ustap turýǵa basymdyq berilmek.
«Qarashyǵanaq ken ornynda munai óndirý kólemi 11,6 mln tonna, gaz óndirý kólemi 18,7 mlrd tekshe metr boldy. Búgingi tańda Qarashyǵanaqta suiyq kómirsýtekterdi óndirý deńgeiin jylyna 11-12 mln tonna sheginde ustap turýǵa múmkindik beretin jobalar iske asyrylýda.
Birinshi. Quny 1,1 mlrd dollar bolatyn «Gaz óńdeý qýattaryn ulǵaitý» jobasy. Búginde ol paidalanýǵa berildi.
Ekinshi. Quny 578 mln dollar blatyn «Gazdy keri aidaýdyń 4-shi kompressoryn salý» joabsy. Qazirgi ýaqytta qurylys-montajdaý jumystary aiaqtaldy, iske qosý-retteý jumystary júrgizilýde.
Úshinshi. «Gazdy keri aidaýdyń 5-shi kompressoryn salý» jobasy. Onyń biýdjeti – 970 mln dollar. Aiaqtalý merzimi – 2025 jyl», - dedi vedomstvo basshysy.
