Aýyl sharýashylyǵy ministri Erbol Qarashókeev saladaǵy sýbsidiialaý júiesin reformalaý týraly aityp berdi, dep habarlaidy QazAqparat.
«Búgingi tańda aýqymdy taldamalyq jumystar júrgizildi, baqylaýshy organdardyń eskertýleri zerdelenip, sýbsidiialaýdyń jańa tetiginiń birinshi nusqasy ázirlendi. Onyń negizgi jańalyqtary sýbsidiialaý jáne ákimshilendirý rásimderin jeńildetý, aýqymyna qaramastan barlyq sýbektilerge sýbsidiianyń qoljetimdiligin qamtamasyz etý, eńbektiń túpkilikti nátijesine qaita baǵdarlaý jáne sýbsidiia alýshylardyń naqty indikativtik kórsetkishterge qol jetkizý boiynsha qarsy mindettemeler qabyldaýy bolyp otyr. Biz túrli alańdarda sýbsidiialaýdyń osy nusqasyn eki ret tanystyrdyq. Barlyq múddeli qurylymdarmen, qoǵamdyq uiymdarmen, biznes qaýymdastyq ókilderimen turaqty dialog júrgizýdemiz», - dedi Qarashókeev Ortalyq kommýnikatsiialar qyzmetinde.
Osy oraida ol kóptegen eskertýler men usynystar alǵanyn, qazirgi ýaqytta olardy zerdeleý men óńdeý jumystary júrgizilip jatqanyn jetkizdi.
«Pysyqtaý protsesin ári qarai jalǵastyrýdy, óńirlerge shyǵyp, talqylaý uiymdastyrýdy josparlap otyrmyz. Eń bastysy, sýbsidiialaýdyń jańa júiesi masyldyq áreketke jetelemei, yntalandyrýshy, óndiris kólemin ulǵaitýǵa baǵyttalǵan jáne ishki azyq-túlik naryǵynyń jaǵdaiyna ǵana emes, jalpy aýyl sharýashylyǵynyń eksporttyq áleýetine de oń áser etýshi bolǵanyn qalaimyz», - dedi ministr.
