Qarashada infliatsiia 0,7 paiyz boldy. Bul týraly búgin Úkimet otyrysynda Ulttyq bank tóraǵasy Erbolat Dosaev aitty, dep habarlaidy QazAqparat tilshisi.
«Qazaqstanda biylǵy qarashanyń qorytyndysy boiynsha jyldyq infliatsiia 8 aida alǵash ret azyq-túlik infliatsiiasynyń 11,3-ten 10,9 paiyzǵa deiin, sondai-aq aqyly qyzmetterdiń 6,9-dan 6,4 paiyzǵa deiin tejelýi aiasynda 8,9-dan 8,7 paiyzǵa deiin baiaýlady. Qarashada ailyq infliatsiia 0,7 paiyz boldy jáne 5 jyl ishinde ortasha mánnen tómen qalyptasty. Azyq-túlik infliatsiiasynyń baiaýlaýy ótken jyldyń joǵary bazasyna jáne Úkimettiń áleýmettik mańyzy bar azyq-túlik taýarlaryna baǵanyń ósýin ustap turý boiynsha júrgizip jatqan jumysyna bailanysty oryn aldy. Soǵan qaramastan, azyq-túlik infliatsiiasy burynǵysynsha baǵanyń jyldyq ósýine qosatyn úlestiń jartysyna jýyǵyn - 8,7 paiyzdyń 4,3 paiyzdyq tarmaǵyn quraidy», - dedi Erbolat Dosaev.
Onyń atap ótýinshe, retteletin kommýnaldyq qyzmetterge tarifterdiń qalypty ósýi aiasynda aqyly qyzmetter birqalypty artý dinamikasyn kórsetip otyr.
Sonymen qatar, proinfliatsiialyq áser ishki óndirýshilerdiń shyǵystaryna yqpal ete otyryp, energiia resýrstarynyń aitarlyqtai qymbattaýyna áser etedi.
Atap aitqanda, janar-jaǵarmai baǵasynyń ósýi jyldyq kórsetkish boiynsha - 22,3 paiyz, onyń ishinde benzin – 18,4, dizel otyny 46,6 paiyz boldy.
«Ulttyq banktiń baǵalaýy boiynsha, tutyný baǵalarynyń maýsymdyq-tazartylǵan annýalizatsiialanǵan (jyldyq mánge keltirilgen) ósýi 2021 jylǵy qarashada 5,6 paiyz bolyp, sońǵy ailarda maýsymdaǵy eń joǵary mánnen baiaýlaǵanyn kórsetti. Alaida, osy dinamikanyń ornyqtylyǵyna qatysty joǵary belgisizdik saqtalýda. Infliatsiianyń jyldyq baiaýlaýyn jáne koronavirýstyń omikron jańa shtamynyń paida bolýyna bailanysty belgisizdiktiń ósýi aiasynda Ulttyq bank biyl 6 jeltoqsanda bazalyq stavkany 9,75 paiyz deńgeiinde saqtaý jóninde sheshim qabyldady», - dedi UB tóraǵasy.
