«Damý» kásipkerlikti qoldaý qory ekinshi deńgeili bankterden qarjylandyrylý úshin qujattar toptamasyn ázirleý barysynda bizneske qoldaý kórsetedi. Bul týraly Ortalyq kommýnikatsiialar qyzmetindegi brifingte QR Ulttyq ekonomika vitse-ministri Jasulan Mədiev aitty, dep habarlaidy QazAqparat.
«Qarapaiym zattar ekonomikasy« baǵdarlamasy boiynsha jobalardy qarjylandyrý úshin kreditteýdiń jalpy kólemi 400 mlrd teńgeden 1 trln teńgege deiin ulǵaityldy. Bul somadan 700 mlrd teńge agroónerkásip keshenindegi qaita óńdeý men óndiriske, 300 mlrd teńge óńdeý ónerkásibi men qyzmetterge jumsalatyn bolady. Buǵan qosa, Memleket basshysynyń tapsyrmasymen 100 mlrd teńge mólsherindegi qarajat kóktemgi egistik jumystaryn qarjylandyrýǵa beriledi. AÓK-tegi qańta óńdeý men óndiristi kreditteýdiń jańa operatory retinde ekinshi deńgeili banktermen qatar Agrarlyq kredittik korporatsiia qyzmet kórsetedi», - dedi ol.
Onyń aitýynsha, «Qarapaiym zattar ekonomikasy» baǵdarlamasy aiasynda 5 mlrd teńgege deiingi kreditterdiń kepildik kólemi 30 paiyzdy quraidy. Eger qarjylandyrý qajettiligi 3 mlrd teńgeden aspasa onda kepildendirý zaim somasynyń 50 paiyzyna deiin bolady.
Bul rette ekinshi deńgeli bankterden qarjylandyrylý úshin qujattar toptamasyn ázirleý barysynda bizneske «Damý» kásipkerlikti qoldaý qory qoldaý kórsetedi. Damý filialdary elimizdiń barlyq óńirlerinde, iri qalarynda jumys isteidi.
«Damý tarapynan kreditterdi sýbsidiialaý elektrondy úkimet (E-gov) pen Online Damu platformalar arqyly onlain rejimde kórsetiledi. Árbir óńirdegi menedjerlerdiń telefon nómirleri qordyń resmi saitynda jáne áleýmettik jelilerdegi paraqshalarynda qoljetimdi»,- dedi Jasulan Mádiev.
