Aqmola oblysynda karantinge jatýdan bas tartqan kókshetaýlyqtyń ústinen qylmystyq is qozǵaldy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, aǵymdaǵy jylǵy 19 naýryzda «Minsk-Nur-Sultan» áýe reisinen túsken kókshetaýlyq mindetti túrde karantinge jatý talabynan bas tartyp, Nur-Sultan qalasynan Kókshetaýdaǵy úiine kelgen.
Meditsinalyq tekseristen ótkizý úshin onyń úiine SEQ jáne jedel járdem qyzmeti barǵan. Alaida, er adam meditsina qyzmetkerlerine páteriniń esigin ashpaǵan.
«Bul týraly birden Kókshetaý qalalyq PD habarlanyp, tártip saqshylary páterdiń esigin buzyp, er adamdy emdeý mekemesine kúshtep jetkizdi. Ol jerde odan qajetti synama alynyp, virýsologiia zerthanasyna jiberildi», - deidi vedomstvodan.
Qazirgi kezde osy oqiǵaǵa bailanysty er adamǵa qatysty QR QK 304-babynyń 1-bóligi boiynsha (santiralyq erejeni nemese gigienalyq talaptardy buzý) sotqa deiingi tergeý amaldary júrgizilýde.
