Almaty oblysyndaǵy «Asyl Arman» turǵyn úi kesheninde engizilgen karantinge bailanysty eriktiler qataryndaǵy 78 adamnan turatyn kúzetshilerdiń birinshi rotasy qurylyp, keshen aýmaǵynda jumysyna kiristi, dep habarlaidy "Ult aqparat".
Áskeriler nysanǵa arnaiy avtobýspen jetkizilýde. Bes bólim posttarǵa bólingen. Aýysym táýligine 2 ret – tańǵy saǵat 8.00-den keshki 20.00-ge deiin.
Ortalyq postta politsiia men áskeri eriktiler júk tasymaldaýshy kólik júrgizýshileriniń qujatyn tekserip, turǵyn úi kesheniniń mańynan ótpekshi bolǵan azamattardy toqtatady.
Atap ótsek, Qarasai aýdandyq bas sanitar dárigeriniń qaýlysyna sáikes, «Asyl Arman» turǵyn úi keshenindegi karantin biylǵy jyldyń 1 sáýirinen 14-ine deiin sozylady.
Almaty oblysy ákimi baspasóz qyzmetiniń málimetinshe, osy ýaqyt aralyǵynda turǵyn úi kesheniniń barlyq aýmaǵynda meditsinalyq qyzmetkerlermen jáne tártip saqshylarymen birge áskeri-eriktiler de qyzmet etetin bolady.
Qabyldanǵan sharalar koronavirýstyń odan ári taralýyna jol bermeýge baǵyttalǵan.
