Elordada tótenshe jaǵdai rejimin buzǵan 83 adam jaýapqa tartyldy. Bul týraly Nur-Sultan qalalyq prokýratýrasynan málim etti, dep habarlaidy "Ult aqparat".
Jalpy, vedomstvonyń málimetinshe, elimizde tótenshe jaǵdai jariialanǵan sátten bastap elordalyq quqyq qorǵaýshylar 113 adamdy, onyń ishinde 29 adamdy - zańsyz kásipkerlik qyzmetpen ainalysqany úshin, 83 tulǵany - tótenshe jaǵdai rejimin buzǵany úshin jáne 1 adamdy - tótenshe jaǵdai kezinde quqyqtyq tártipti buzýǵa itermeleitin áreket jasaǵany úshin jaýapkershilikke tartqan.
«Ákimshilik materialdardy qaraý nátijesinde 99 tulǵaǵa jalpy somasy 3 088 415 teńge ákimshilik aiyppul salynyp, 14 adam tutqynǵa alyndy. Buǵan qosa, sot memleket kirisine 1 725,7 litr antiseptik pen 15 923 dana meditsinalyq maska tártkiledi. Elordanyń barlyq ókiletti organdary Memleket basshysynyń jarlyǵynda jáne tótenshe jaǵdai rejimin qamtamasyz etý jónindegi memlekettik komissiianyń erejelerimen bekitilgen sharalar men ýaqytsha shekteýlerdiń saqtalýyn qadaǵalaýda», - dep atap ótedi elordalyq prokýratýradan.
