Qazir karantin ýaqytyn uzartý týraly aitýǵa - erte. Bul týraly onlain brifingide QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Eshkim eki apta buryn epidemiologiialyq jaǵdaidyń qalai bolatynyn naqty aita almaidy, biraq biz barlyǵyna daiyn bolýymyz kerek. Sondyqtan keshe aitylǵan barlyq sharalar - jaǵdai kúrdelenip ketse de, tynyshtyq pen turaqtylyqty saqtaý kepili. Ol úshin bizde qajetti sharttardyń barlyǵy jasalǵan. Memleket basshysy tapsyrmasy, naqty jumys jospary jáne Ulttyq qorda jinalǵan qarajat bar. Osy rette Ulttyq qorǵa qarajat jinaý sheshimi Elbasynyń kóregendiginiń taǵy bir dáleli dep aitýǵa bolady», - deidi QR Aqparat jáne qoǵamdyq damý ministri Dáýren Abaev.
