Túrkistan oblysynda jyl basynan beri karantin rejimin buza otyryp, ulttyq sport túri «kókpar» ótkizýdiń 48 jaity anyqtalǵan, dep habarlaidy "Ult aqparat".
Atalǵan jaittardy reid barysynda anyqtaǵan politseiler, tiisti shara qabyldaý úshin qajetti qujattardy jinaqtap, SEBB-ǵa joldaýda.
Degenmen karantin sharalaryn elemeitin azamattardyń sany azaimai otyr. Sonyń saldarynan halyqtyń densaýlyǵyn qaýipke itermeleýde.
Osyndai adamdar tobyn kóptep jinap, kókpar ótkizýdiń kezekti jaity Shardara aýdanynda anyqtaldy.
Aýdandyq politsiia bóliminiń qyzmetkerleri Kóksý aýyldyq okrýgine reid júrgizdi.
Nátijesinde Kóksý aýyly mańynda 100-ge jýyq adamnyń qatysýymen ótkizilip jatqan «Bata kókpar» toqtatylyp, politsiia qyzmetkerlerimen túsindirý jumystary júrgizildi. Kókparǵa jinalǵan halyq birden tarqatyldy.
Kókpardy uiymdastyrýshy Shardara aýdanynyń turǵynyna qatysty QR ÁQBtK 425-baby 1-bólimimen materialdar jinaqtalyp, ákimshilik hattama toltyrý úshin SEBB-ǵa jiberildi.
Óz kezeginde Túrkistan oblysynyń politseileri azamattarǵa karantin rejiminiń talaptaryn qatań saqtaýdy, buqaralyq sporttyq jáne basqa da is-sharalardy ótkizýden bas tartýǵa keńes beredi.
«Karantin kezinde sanitarlyq-epidemiologiialyq normalardy saqtaý qajet. Sondai-aq, meditsinalyq betperde taǵyp, antiseptikter qoldanyp, áleýmettik araqashyqtyqty saqtaǵan jón» dep eskertedi politsiia.
