QR Aqparat jáne qoǵamdyq damý ministri Dáýren Abaev karantin rejimi kúsheitilgen kezdegi kóshede júrý talaptaryn túsindirdi, dep habarlaidy QazAqparat.
Qoǵamdyq kóliktiń jumysy máselesin ákimdikter pysyqtap jatyr. Jaǵdaiǵa qarai qoǵamdyq kólik qozǵalysy shektelýi múmkin. Saiabaqtar men alleialarda patrýl júrgiziledi. Azamattar úi janýarlaryn turǵyn úi mańynda serýendete alady. Al eger azamattar basqa sebeptermen shyqsa, aldymen eskertý jasalady, odan keiin 26,5 myń teńge kóleminde aiyppul salynýy nemese 15 táýlikke deiin ákimshilik qamaýǵa alynýy múmkin», - dedi ministr «Habar 24» telearnasynyń tikelei efirindegi málimdemesinde.
Onyń aitýynsha, politsiia qyzmetkerleri hattama toltyryp, isti sot qaraidy.
Odan bólek, TJ kezeńine bilik ókiliniń zańdy talabyna baǵynbaǵany úshin qylmystyq jaýapkershilik kózdelgen.
Aita keteiik, koronavirýs infektsiiasymen Nur-Sultan qalasy boiynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.
