Qazirgi tańda respýblika aýmaǵynda 1860 mobildi monitoringtik top jumys júrgizýde. Arnaiy taldaý nátijesinde maýsym aiyndaǵy monitoringtik toptardyń belsendiligi men jumys tiimdiligi 32%-ǵa tómendegeni anyqtaldy.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly habarlady.
Nysandardy reidtermen qamtý kórsetkishi Túrkistan oblysynda 23,5 myń, Almaty oblysynda 3,7 myń, Qaraǵandy oblysynda 3,1 myń, Atyraý oblysynda 1708 nysanǵa tómendedi.
Shaǵyn jáne orta biznes nysandarynyń maýsymdyq belsendiligine qarmastan Shyǵys Qazaqstan, Mańǵystaý, Pavlodar, Almaty, Soltústik Qazaqstan Aqtóbe oblystarynda karantindik shekteý talaptaryn buzǵan obektilerdi anyqtaýdyń úles salmaǵy kemigen.
Shilde aiynda, kerisinshe, monitoringtik toptar jumysynyń joǵary tiimdiligi Shymkent, Almaty qalalarynda jáne Jambyl oblysynda baiqaldy.
Sonymen qatar, monitoringtik toptar «Ashyq» jobasyna qatysýshy 3544 obektini qamtyǵan. 482 nysanda tiisti talaptardyń oryndalmaǵany anyqtaldy.
Tsifrlyq damý, innovatsiialar jáne aeroǵarysh ónerkásibi ministrliginiń málimetterine sáikes, 10 maýsym men 24 shilde aralyǵynda 12168 talap buzýshy anyqtaldy, olardyń 781-i «qyzyl» jáne 4 887-i «sary» mártebemen qoǵamdyq oryndarǵa kelgen.
«Qyzyl» mártebesi bar jeke tulǵalarǵa jalpy somasy 10,9 mln. teńgeden astam 258 aiyppul salyndy. «Sary» mártebesi bar jeke tulǵalarǵa úi karantini sharttaryn saqtaý týraly talap qoiylyp, óńirlerdiń Bas memlekettik sanitariialyq dárigerleriniń 2203 qaýlysy shyqty.
2021 jyldyń 1 qańtary men 24 shildesi aralyǵynda respýblika boiynsha monitoringtik toptar jalpy sany 132 088 reid júrgizip, 758 679 nysandy qamtydy. Shekteý sharalaryn buzǵan 20 158 obekti anyqtaldy.
Shekteý sharalaryn buzýdyń 19026 deregi boiynsha 11 376 biznes sýbektisi jáne 7650 azamat jaýapkershilikke tartyldy. Olardan 1,5 mlrd. teńgeden astam somaǵa aiyppul óndirildi. 91 nysannyń qyzmeti toqtatylyp, 334 material sotqa jiberildi.
