Almaty qalasynyń bas memlekettik sanitarlyq dárigeri Jandarbek Bekshin onlain brifing barysynda qoldanylatyn shekteýlerdiń epidemiologiialyq jaǵdaiǵa qalai áser etetinin aitty, dep habarlaidy "Ult aqparat".
Almaty qalasy bas memlekettik sanitar dárigeri qalada shekteý sharalarynyń engizilýi óz tiimdiligin kórsetkenin atap ótti.
«Qalada 3 naýryzdan bastap virýsty juqtyrý kúrt ósti. Ol kúni koronavirýsty juqtyrýdyń 121 jaǵdaiy tirkelse, ótken senbi kúni 360 adamnan virýs anyqtaldy. Al jeksenbi kúni bul kórsetkish 297-ge deiin tómendedi. Degenmen «qyzyl» aimaqtan shyǵý úshin bizge áli de shekteýlerdi engizý qajet», - dedi ol.
Sonymen qatar, ol 10 naýryzda shyqqan jańa qaýlyǵa sáikes demalys kúnderi saýda úileri, bazar jáne qoǵamdyq kólik jumysy toqtaǵanyn tilge tiek etti.
«Biz Qazaqstannyń bas sanitar dárigeri belgilegen ólshemderge sáikes jumys isteimiz. Olardy qoldanamyz, kúsheite alamyz, biraq bul sharalardy jeńildetýge bolmaidy. Statistika boiynsha tiimdilik bar. Shekteý sharalaryn jalǵastyrý qajet», - dedi Jandarbek Bekshin.
