Almaty qalasy ákiminiń orynbasary Erjan Babaqumarov koronavirýs infektsiiasynyń taralýyna jol bermeý úshin 21 naýryzdan bastap engizilgen kúsheitilgen shekteý sharalarynyń saqtalýyn baqylaý jónindegi monitoring toptarynyń jumysy boiynsha onlain formatta keńes ótkizdi, dep habarlaidy "Ult aqparat".
Keńes barysynda aýdandyq monitoring toptardyń, qalalyq qoǵamdyq densaýlyq basqarmasy, sanitarlyq-epidemiologiialyq baqylaý departamenti jáne jergilikti politsiia qyzmeti basshylarynyń antikovidtik sharalardy buzý faktilerin jedel anyqtaý jáne jolyn kesý algoritmin saqtaý boiynsha baiandamalary tyńdaldy.
Qalanyń bas memlekettik sanitar dárigeri, sanitarlyq-epidemiologiialyq baqylaý departamentiniń basshysy Jandarbek Bekshin aýdan ákimdikteri janyndaǵy monitoring toptardyń basshylary usynǵan materialdar boiynsha 21-24 naýryz aralyǵynda 92 tekserý júrgizilip, 1080 nysan qamtylǵanyn, onyń 233-ine belgilengen jumys rejiminiń buzylǵany jáne epidemiiaǵa qarsy talaptardyń saqtalmaǵanyn habarlady.
Sonymen qatar, 29 buzýshylyq 24 naýryzdan 25 naýryzǵa qaraǵan túngi tekserý barysynda anyqtaldy. Máselen, 233 kásipkerlik obektisine 230 AEK kóleminde aiyppul salynady. Sonymen qatar, karantin sharalaryn buzǵany úshin jeke tulǵalarǵa 772 hattama toltyryldy.
Erjan Babaqumarov sanitarlyq-epidemiologiialyq rejimdi buzý saldarynan juqtyrý oqiǵalarynyń ósýi jalǵasyp jatqan aýdandarda monitoringtik toptardyń jumysyn kúsheitýdi tapsyrdy.
Almaty «qyzyl aimaqta» tur. Ótken táýlikte qalada koronavirýs infektsiiasyn juqtyrǵan 341adam anyqtaldy. Mektep jasyna deiingi balalar arasynda aýrýshańdyqtyń 3 esege (táýligine - 17 juqtyrý jaǵdaiy) jáne onlain oqytýdaǵy oqýshylar arasynda - 4 esege (28 jaǵdai) óskeni baiqalady. Ata-analarǵa aldyn alý sharalarynyń mańyzdylyǵy týraly balalarmen túsindirý jumystaryn kúsheitý usynylady.
Burynǵysynsha táýekel tobynda - 65 jastan asqan jáne sozylmaly aýrýlarmen aýyratyn adamdarǵa múmkindiginshe úilerinen shyqpaýǵa keńes beriledi. Sonymen qatar, 20-29 jas aralyǵyndaǵy adamdar arasynda infektsiianyń ósýi baiqaldy.Taldaý kórsetkendei, qoǵamdyq mekemelerden basqa, jeke sektorda adamdardyń toptasýy kóbeigeni baiqalady - otbasylyq is-sharalardan, úilený toilarynan, eske alýlardan jáne úidegi toilardan juqtyrý jaǵdailaryn tirkeý jalǵasýda.
Almaty ákimdigi qala turǵyndary men qonaqtaryn jaýapkershilikpen qaraýǵa, adamdar kóp jinalatyn oryndarǵa barmaýǵa, buqaralyq is-sharalardy uiymdastyrmaýǵa jáne qatyspaýǵa shaqyrady. Kem degende 1,5-2 metr áleýmettik qashyqtyqty saqtaý jáne betperde kiiý mańyzdy.
Eske salsaq, karantindik sharalardy buzǵany úshin ákimshilik jaýapkershilik qarastyrylǵan.
