Qazaqstanda demalys kúnderi kúshine enetin lokdaýn kinobiznes salasyn edáýir turalatyp tur, dep habarlaidy "Ult aqparat" Finprom.kz zertteýine silteme jasai otyryp.
Jalpy Qazaqstanda film jáne telebaǵdarlama óndirisi salasyndaǵy qyzmet kórsetý kólemi úsh ese azaiǵan. Kino jáne videofilm, telebaǵdarlama, fonogramma men mýzykalyq jazbalar óndirisi boiynsha qyzmet kólemi alǵashqy jartyjyldyqta 17,7 mlrd teńge paida taýyp, ótken jyldyń uqsas kezeńimen salystyrǵanda 31,2 paiyz kemigen bolatyn.
Qazaqstan aimaqtarynyń ishinde Almatynyń bir ózine bul saladaǵy qyzmet kórsetý kóleminiń 69,5 paiyzy tiesili: alaida alǵashqy jartyjyldyqta ońtústik astanadaǵy qyzmet kólemi 30,6 paiyzǵa azaiǵan.
«Almatydan keiin Nur-Sultan (3,3 mlrd tg — ótken jyldyń uqsas kezeńimen salystyrǵanda 36,6% az) tur. Qalǵan óńirlerge Qazaqstan boiynsha qyzmet kórsetý kóleminiń 12,1 paiyzy ǵana tiesili» delingen zertteýde.
Kinofilm kórsetý qyzmeti 2,3 ese quldyrap, 4,8 mlrd teńgeni ǵana kórsetken. Buǵan lokdaýndardyń qatty áser etip turǵany aiqyn.
Eske sala keteiik, bas memlekettik sanitar dárigerdiń qaýlysyna sáikes 16 qyrkúiekten bastap ashyq aýadaǵy kinoteatrlardyń (mindetti túrde áleýmettik qashyqtyq pen maska rejimin saqtai otyryp) jumys isteýine ruqsat berilgen bolatyn.
Sonymen birge kino, videofilm men telebaǵdarlamar óndirisi qyzmeti 2 ese, iaǵni 4 mlrd teńgege qysqarǵan.
