Túrkistan oblysynda karantin talaptaryn buzý men dári-dármekti qymbatqa satýdyń 180-nen asa deregi tirkeldi. Atalǵan zańbuzýshylyqtar politsiia qyzmetkerleri men basqa da múddeli organ ókilderinen turatyn mobildi toptardyń kún saiyn júrgizgen reidtik shara barysynda anyqtalǵan, dep habarlaidy "Ult aqparat".
Oblystyq PD baspasóz qyzmetiniń málimetinshe, mobildik toptarmen karantindik talaptardy saqtamaý men gigienalyq normativterdiń buzylýy boiynsha 148 jáit anyqtalǵan. Onyń ishinde 4 jait úilený toiy men otbasylyq jiyndardy uiymdastyrý boiynsha tirkelip otyr. Sondai-aq, reidtik is-sharalar barysynda Túrkistan oblysy politseileri dári-dármekti joǵary baǵamen zańsyz satýdyń 33 faktisin áshkere etti.
Máselen, Jetisai aýdanynda aýdandyq politsiia bóliminiń JPQ patrýldik politsiia qyzmetkerleri Almaty qalasyna bara jatqan 12 jolaýshysy bar avtobýsty toqtatqan. Avtobýstarmen qalaaralyq jolaýshytasymalǵa tiym salynǵanyna qaramastan qoǵamdyq kólik ieleri jolǵa shyqqany anyqtaldy.
Nátijesinde júrgizýshi men jolaýshylar avtobýsy Jetisai APB-na jetkizilip, avtobýs aiypturaqqa qoiyldy. Tártip buzýshyǵa qatysty QR ÁQBtK-niń 425 baby «Halyqtyń sanitarlyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha ákimshilik hattama toltyrylyp, jinaqtalǵan aqparattar sheshim qabyldaý úshin tiisti organǵa jiberildi.
Al, Qazyǵurt aýdanynda jergilikti turǵynnan dárihanalardyń birinde dári-dármekter qymbat baǵamen satylyp jatqany jóninde habarlama túsken. Bul jáitti teksergen politseiler dárihananyń satýshysynyń tutynýshyǵa «Anaferon» dárisin jáne «atsetilsalitsil qyshqylynyń» qaptamasyn jalpy somasy 1600 teńgege satqanyn anyqtaǵan.
Atalǵan jait boiynsha jinaqtalǵan is-qujattary tiisti sheshim qabyldaý úshin QR Densaýlyq saqtaý ministrliginiń Túrkistan oblysy boiynsha taýarlar men qyzmetterdiń sapasy men qaýipsizdigin baqylaý komitetine joldanǵan.
Sol kúni Saryaǵash aýdandyq PB-niń politsiia qyzmetkerleri 5 «Kotenoks» býmasyn 10 000 teńgege satyp, paida tappaq bolǵan áieldi ustaǵan.
Tártip saqshylary atalǵan dári-dármekterdi tárkilep alyp, qazirgi ýaqytta atalǵan jait boiynsha tekserý jumystary júrgizilýde.
