Karantin rejimin buzǵany úshin berilgen negizsiz jazany sotta qaraýǵa bolady. Bul týraly QR Ádilet ministri Marat Beketaev málim etti, dep habarlaidy "Ult aqparat".
«Eger de kúdik bolǵanymen, hattama toltyrylyp jatsa, onda budan tragediia jasaýdyń qajeti joq. Karantin rejimin buzý - ol mindetti sotta qaralatyn quqyqbuzýshylyqqa jatqyzylǵan. Qashyqtan bolsa da, sotta qaralady», - dedi M. Beketaev Habar 24 telearnasynda ótken onlain brifingide.
Onyń sózine qaraǵanda, hattama toltyrylǵan kezde politseiden bul ákimshilik is qai sotta qaralatynyn suraý kerek.
«Keiinnen sotqa ózińizdiń dálelderińizdi usyný kerek, buǵan qosymsha ýaqyt beriledi. Sot naqty istegi barlyq jaǵdaidy eskere otyryp sheshim qabyldaidy», - dedi ministr.
