Elorda soty karantin rejimin jii buzǵan 36 kásipkerlik sýbektisiniń jumysyna ýaqytsha tyiym saldy. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aitty, dep habarlaidy "Ult aqparat".
«Osy jyldyń 1 qańtary men 14 aqpany aralyǵynda sotqa 47 kásipkerlik sýbektisine qatysty 52 ákimshilik is sotqa jiberildi. Olar: «Sova», «Janym Soul» karaoke-bary «Alanya» túngi klýby, «Eho» bary, «Zoloto» meiramhanasy, «Stories» laýndj-bary, «Tekila» dámhana-bary, «Respawn» kompiýterlik klýby», - dedi bas sanitarlyq dáriger elorda ákimdiginde ótken brifing barysynda.
Onyń dereginshe, sot 36 kásipkerlik sýbektisine qatysty 6 mln teńge mólsherinde ákimshilik jaýapkershilikke tartý týraly sheshim qabyldaǵan. Sonymen qatar atalǵan nysandardyń jumysyna 1aidan 3 aiǵa deiin tyiym salyndy.
«Máselen, «Janym Soul» karaoke-baryna 70 AEK aiyppulmen 1 aiǵa, «Alanya» túngi klýby 100 AEK-pen 3 aiǵa jumysy toqtatyldy. «Tekila» karaoke-baryna 170-200 AEK mólsherinde 4 ákimshilik aiyppul salyndy jáne 1 ai jumys istei almaidy. «Zolota» meiramhanasy da jumysyn bir aiǵa toqtatty jáne 100 AEK kóleminde aiyppul tóleidi. «Respawn» kompiýterlik klýb 5 AEK aiyppul tólep, 2 ai jumys istei almaidy. «Aq qaiyń» saýnasyna da 5 AEK mólsherinde aiyppul tóledi. Onyń da jumysyna 1 aiǵa tyiym salyndy», - dedi Sarhat Beisenova.
Bas sanitarlyq dárigerdiń atap ótýinshe, sot uiǵarymyn oryndaý úshin 13 kásipkerlik sýbektisiniń esikteri mórlengen. Sonmen qatar «Tekila» karaoke-bary men «Alanya» túngi klýbyna elektr energiiasy men sý berý toqtatylǵan.
