Elordadaǵy Bilim basqarmasy basshysynyń orynbasary Baǵlan Smataeva qaladaǵy balabaqshalarda kezekshi toptarda 22 myńnan astam bala qamtylǵanyn aitty, dep habarlaidy QazAqparat.
«Birinshi kezekte, elordalyq mektepke deiingi uiymdar kezekshi top rejiminde jumys isteýdi jalǵastyrýda. Búginde memlekettik jáne jeke menshik balabaqshalarda 1912 keshekshi top ashyldy. Ondaǵy balalar sany 22 687–ni quraidy», - dedi B. Smataeva baspasóz máslihatynda.
Osy oraida ol barlyq balabaqshalardyń jumysy sanitarlyq talaptarǵa sáikes júrgizilip jatqanyn jetkizdi.
«Balalardyń mektepke deiingi uiymǵa barýy ata-ananyń ótinish-kelisimi negizinde júzege asyrylady. Karantin kezeńinde bala mektepke deiingi uiymǵa kelmegen jaǵdaida orny saqtalady», - dep naqtylady bilim basqarmasynyń ókili.
