Almatyda Medeý aýdanyndaǵy birqatar mekemeniń qyzmeti karantin sharalaryn buzǵany úshin sot sheshimimen toqtatyldy, dep habarlaidy "Ult aqparat".
Bul týraly aýdan ákimi Áset Masabaev pen Medeý aýdany Sanitarlyq-epidemiologiialyq baqylaý basqarmasynyń basshysy Qasymhan Alpysbaiuly ótkizgen brifingide aityldy.
Koronavirýs infektsiiasyn taratpaý, karantin rejimi men sanitarlyq-epidemiologiialyq talaptardyń buzylýyn anyqtaý maqsatynda aýdanda monitoring toptary jumys istep jatyr.
«Juqtyrý qaýpi joǵary oryndar - qyzmetine tyiym salynǵan meiramhanalar, klýbtar. Aýdanda adamdar kóp jinalatyn negizgi oryndar, iaǵni qaýipti dep - «Nebo», «Manana», «Bla Bla», «Artist (burynǵy BHB)», «Barviha», «Barmaglot», «Sinii fantomas», «Tantsy bary» siiaqty túngi mekemelerdi ataýǵa bolady. Mysaly, atalǵan túngi klýbtardyń barlyǵy karantin sharalaryn buzǵany úshin birneshe ret ákimshilik jaýapkershilikke tartyldy»,- dedi Áset Masabaev.
Búgingi kúni aýdandyq Politsiia basqarmasynan Medeý aýdanynyń Sanitarlyq-epidemiologiialyq baqylaý basqarmasyna 105 shuǵyl habarlama kelip tústi.
92 hattama toltyryldy, onyń ishinde: 37 zańdy tulǵaǵa 12,4 mln teńge; 55 jeke tulǵaǵa 2,4 mln teńge aiyppul salyndy. Barlyǵy sotqa 16 material jiberildi.
«Onyń ishinde 2021 jyldyń basynan beri qabyldanǵan sharalar boiynsha 8 nysan:
1. «Barmaglot» bary, Ál-Farabi dańǵyly 116/21 – 10 aqpanda 100 AEK (277 800 teńge) mólsherinde ákimshilik hattama jáne 1 aiǵa qyzmetin toqtatý;
2. «Dreams Almaty» laýndj bary, Ǵ.Qaiyrbekov kóshesi 35a, 15 aqpannan bastap 100 AEK túrinde (277 800 teńge) ákimshilik hattama jáne 1 aiǵa qyzmeti toqtatyldy.
3. «Pýgasov» meiramhanasy Abdýllinder kóshesi 70, 16 aqpannan bastap 100 AEK kóleminde ákimshilik (277 800 tg) hattama toltyryldy jáne 1 aiǵa qyzmeti toqtatyldy.
4. «Manana» meiramhanasy Dostyq dańǵyly 535, 17 aqpannan bastap qyzmeti 15 kúnge toqtatyldy.
5. «Orda Game Center» kompiýter klýby, Báribaev kóshesi 43-10, aqpannan bastap qyzmetin 30 kúnge toqtatý;
6. «Biliard klýby» Abdýllinder kóshesi 50, 5 naýryzdan bastap karantin sharalary alynǵanǵa deiin qyzmetin toqtatý;
7. «Loto Club» bingo klýby Gogol kóshesi 2, 5 naýryzdan bastap karantin sharalary joiylǵanǵa deiin qyzmetin toqtata turý;
8. «Loto Club» bingo klýby Pýshkin kóshesi 44/51, 5 naýryzdan bastap karantin sharalary alynyp tastalǵanǵa deiin qyzmeti toqtatyldy.
«Sottyń qaraýynda 8 material bar», - dedi Áset Masabaev.
Turǵyndar Medeý aýdany boiynsha 8-701-378-4468, 8-778-163-0103 nómirine habarlasyp shaǵym qaldyra alady.
