Elordada qalalyq kóliktegi politsiia departamenti Nursultan Nazarbaev áýejaiyndaǵy jelilik politsiia qyzmetkerleriniń oqiǵasyna jaýap qatty, dep habarlaidy QazAqparat.
Buǵan deiin áleýmettik jelide «elorda áýejaiynyń jelilik politsiia bóliminiń bastyǵy áriptesin uryp-soqty» degen video taraǵan edi.
Kóliktegi politsiia departamenti qyzmettik tekserý júrgizdi.
«Kóliktegi politsiia departamentiniń buiryǵymen Jelilik politsiia bóliminiń basshysy jáne onyń Kadr saiasaty jónindegi orynbasary qyzmetinen bosatyldy.Sonymen qatar jelilik politsiianyń basshylyq qyzmettegi qyzmetkerlerine de qatysty tártiptik sipattaǵy sharalar qabyldandy», - dep habarlady Nur-Sultan qalasynyń politsiia departamenti.
«Kóliktegi politsiia departamentiniń basshylyǵy bul jaǵdaidy óreskel jáne qolaisyz dep sanaitynyn habarlaidy. Qyzmettik-áskeri tártipti buzatyn basshylar men qyzmetkerlerden óz qataryn tazartý qaǵidatyn ustanady» - delingen habarlamada.
