Qaraǵandy oblysy qan ortalyǵynyń basshysy Tólegen Sádýaqasov elordadaǵy Alǵys aitý kúnine arnalǵan sharada uiymnyń jumysy týraly aityp berdi, dep habarlaidy QazAqparat.
«Oblysymyzdaǵy qan qyzmetiniń tarihy sonaý 1938 jyldan bastaý alady, onda alǵash ret jer aýdarylǵan dáriger German Nikolaevich Alalykin naýqastyń ómirin saqtap qalý úshin qan quiǵan bolatyn. Qazir de qan qyzmeti óziniń basty missiiasyn – adam ómirin saqtap qalýdy jalǵastyrýda. Meditsina ǵylymynyń qarqyndy damýyna qaramastan, adam qanynyń tiimdi balamalary áli shyqqan joq. Sondyqtan bizdiń ujymnyń jumysy jyl saiyn úsh myńnan astam adamnyń ómirin saqtap qalatyn janashyr jáne bei-jai qalmaityn donorlarymyzǵa tikelei bailanysty. Jyl saiyn biz 8 myń litrden astam qan daiyndaimyz. Donorlyq qozǵalysqa jyl saiyn 10 myńnan astam donor tegin qatysady, onyń ishinde 800-den astamy – turaqty donor», - dedi T. Sádýaqasov elordada Táýelsizdiktiń 30 jyldyǵy men Alǵys aitý kúniniń 5 jyldyǵyna arnalǵan dóńgelek ústelde.
Onyń aitýynsha, pandemiia jaǵdaiynda da donorlar eń izgi missiiany abyroimen jalǵastyrdy, al keibiri aýyr aýrýǵa shaldyǵyp, aýyr naýqastarǵa kómektesýge qajetti koronovirýsqa qarsy immýndyq plazma bergen.
«Búgin jyldar boiy bizge qan tapsyryp, kómek kórsetip kele jatqan adamdarǵa erekshe alǵysymdy bildirgim keledi. Solardyń biri –Sáýle Esenbekova. Ol 16 jyl boiy qan tapsyryp, 140 patsientke kómektesken», - dedi qan ortalyǵynyń basshysy.
«Qan qyzmeti Qazaqstannyń barlyq donorlaryna alǵys bildiredi. Sizderdiń kómekterińizge esh baǵa jetpeidi. Sol úshin sizderge kóp raqmet aitamyz», - dedi spiker.
