Biyl Qaraǵandy oblysynyń muǵalimderi alǵash ret kásibi merekege orai qurmet tós belgileri men iri aqshalai syiaqy alady. Bul týraly óńir basshysy Jeńis Qasymbek onlain rejimde ótken tamyz otyrysynda málim etti, dep habarlaidy "Ult aqparat" óńir basshysynyń resmi saityna silteme jasap.
- Biylǵy jyly oblysymyzdaǵy muǵalim mamandyǵynyń bedelin kóterý úshin «Qaraǵandy oblysynyń bilim berý salasynyń qurmetti pedagogi» tós belgisi jariialandy. Bul marapat úzdik pedagogtarǵa tapsyrylady. Onyń iegerlerine 400 AEK mólsherinde aqshalai syiaqy tólenedi – bul bir millionnan astam teńge. Bul marapattyń birinshi iegerlerin sizderdiń kásibi merekelerińiz – Muǵalimder kúnine orai anyqtaimyz, - dedi oblys ákimi.
Jeńis Qasymbek memleket pen jergilikti atqarýshy biliktiń bilim berý júiesine erekshe nazar bólip otyrǵandyǵyn atap ótti. Osy jyldyń 1 qańtarynan bastap pedagogtardyń jalaqysy orta eseppen 25%-ǵa ósti. 70-ten 100 AEK deiin «Diplommen aýylǵa!» baǵdarlamasy sheńberinde jas mamandarǵa kóterme jalaqy ulǵaidy. Stýdenterdiń shákirtaqysy 25%-ǵa ulǵaityldy.
Óńir basshysy bilim berý salasynyń infraqurylymyn damytý týraly baiandady. Bul jyly mektepterdi, balalar baqshasy men kolledjderdi jóndeýge 16,8 mlrd teńge bólindi, bul 2019 jylmen salystyrǵanda shamamen úsh ese artyq. Oblys qalalarynda zamanaýi standarttar boiynsha jabdyqtalǵan mektep oqýshylarynyń eki jańa saraiy ashylady.
Koronavirýs indetine bailanysty qashyqtan oqytýǵa shuǵyl ótýge týra keldi, pedagogtar qoldaýsyz qalǵan joq.
Jańa oqý jylynyń qarsańynda oblystyń 160 pedagog vedomstvolyq marapatqa ie boldy jáne 10 bilim qyzmetkeri oblys ákiminiń alǵys hatyn aldy.
Osy jyly bilim berý qyzmetkerleriniń dástúrli tamyz konferentsiiasy búgin, 26 tamyzda Zoom platformasynda jáne Facebook áleýmettik jelisinde onlain ótti. Oǵan on myńnan astam adam: bilim qyzmetkerleri, ata-analar qoǵam jáne úkimettik emes uiymdardyń ókilderi qashyqtan qatysty. Kezdesý Saryarqa telearnasynyń tikelei efirinde jáne YouTube-ta kórsetildi.
Konferentsiia jańa oqý jylynyń erekshelikterine arnaldy. Qatysýshylar qashyqtyq formatynda oqytýdy uiymdastyrý jáne bilim sapasyn arttyrý máselelerin talqylady. Qalalyq jáne aýyldyq mektep oqýshylaryna arnalǵan jańa bilim jobalary usynyldy.
