Qaraǵandy garnizonynyń áskeri politsiia bóliminiń ofitseri Zańǵar Álkenov ýltramarafonǵa daiyndalýda. Ol óziniń júgirýin armiia úshin erekshe kún - 7 mamyrda bastaýdy josparlap otyr. Al ázirshe Almatydaǵy Alataý baýraiynda qarqyndy jattyǵýlar ótýde, dep habarlaidy "Ult aqparat".
2020 jyly Zańǵar Qaraǵandy - Atasý baǵyty boiynsha 200 shaqyrymdy sátti eńsergen bolatyn.
«Qazir ýltramarafonnyń ekinshi kezeńi - 320 shaqyrym. Almatyda mamandar naqty jospar quryp, aǵza úshin qajetti sý mólsherin esepteidi», - deidi Zańǵar Álkenov.
Ýltramarafonshynyń kóptegen jetistikteri bar. Ol qazaq kúresinen sport sheberi, dziýdodan sport sheberine úmitker. 2012 jyly jaraqat alǵannan keiin jekpe-jek ónerin uzaq qashyqtyqqa júgirýge almastyrdy.
320 shaqyrymdyq júgiristi GPS-navigator arqyly onlain rejiminde baqylaýǵa bolady.
«Bári jaqsy deńgeide ótedi dep oilaimyn. Eger bul marafon men úshin tabysty bolsa, kelesi jyly Qaraǵandy - Almaty baǵyty boiynsha 1 000 shaqyrym júgirýdi josparlap otyrmyn», - deidi Zańǵar Álkenov.
